Cyllidwyr

Cronfa Gymunedol y Loteri Genedlaethol – Cymhorthdal 5 Mlynedd Pobl a Lleoedd

Prosiect Cysylltu Pobl â Natur

Mae ‘Cysylltu Pobl a Natur, creu coetir cynaliadwy i bawb’ yn brosiect 5 mlynedd a ariennir gan Gronfa Gymunedol y Loteri Genedlaethol.

Crëwyd tri chyfle cyflogaeth newydd trwy’r prosiect hefyd, sef Swyddog Rheoli Coetir, swyddog addysg, a Gweinyddwraig.

Bydd y grant Pobl a Lleoedd yn caniatáu inni barhau i reoli’r coed gyda gwirfoddolwyr gyda natur a’r gymuned wrth wraidd ein penderfyniadau.

Mae’r prosiect yn cynnwys rhaglen gwirfoddoli amgylchedd coetir a rhaglen llesiant, sy’n cynnwys digwyddiadau cymunedol a gweithgareddau coedwigaeth gymdeithasol. Bydd yn darparu ystafell ddosbarth awyr agored newydd i ddarparu gweithgareddau ysgol goedwig.

Bydd prosiect hanes cymdeithasol yn dathlu treftadaeth ddiwylliannol a naturiol ardal Newborough a’r Cylch.

Cliciwch isod i weld yr adroddiadau.

• Blwyddyn 1
• Blwyddyn 2
• Blwyddyn 3
• Blwyddyn 4
• Adroddiad canol blwyddyn 2023
• Adroddiad diwedd y prosiect
• Gwerthusiad allanol ac adroddiad diwedd prosiect

Cynllun Cymunedol Treth Gwarediadau Tirlenwi Llywodraeth Cymru

Prosiect Tyfu efo’n Gilydd

Ionawr 2020 – Mawrth 2022

Bydd y prosiect hwn yn creu man gwyrdd o bwys efo gwell rhwydwaith ecolegol, trwy blannu coed a llwyni, trwy gymorth y gymuned. Bydd yn fan prydferth a chroesawus, a fydd yn hybu llesiant ac yn darparu amrywiaeth newydd o fedrau i bobl sydd â rhan ynddo. Canlyniad y prosiect fydd gwell amgylchedd a fydd yn parhau i dyfu tua’r dyfodol.

Ariennir y prosiect hwn gan Gynllun Cymunedau Treth Gwarediadau Tirlenwi Llywodraeth Cymru, a weinyddir gan CGGC.

Cronfa Datblygu Cynaliadwy

Mae’n dda iawn gennym gefnogi prosiectau a fydd yn helpu cyrff cymunedol ledled Cymru i gymryd eu camau nesaf i ddiogelu neu wella eu hoff fannau gwyrddion.” Derbyniasom gyllid gan y Gronfa Datblygu Cynaliadwy trwy Gyngor Sir Ynys Môn. Bydd y cyllid hwn yn talu i Lyn Parc Mawr gynnal sesiynau rhagnodi cymdeithasol (Coed i Bobl) er mwyn hyrwyddo lles economaidd a chymdeithasol y gymuned leol.

Rhydd y Gronfa Datblygu Cynaliadwy gyfle ardderchog i wneud cais am gymorth grant ar gyfer prosiectau amgylcheddol arloesol a chynaliadwy sy’n ymwneud â chymunedau lleol mewn Ardaloedd o Harddwch Naturiol Eithriadol (AHNE). Mae AHNE yn dirweddau sy’n genedlaethol bwysig ac sydd wedi cael ei dynodi ar sail eu harddwch golygfaol ysblennydd. Yr ardaloedd a ganlyn yw’r pum AHNE yng Nghymru: Ynys Môn, Bryniau Clwyd a Dyffryn Dyfrdwy, Gŵyr, Llŷn a Dyffryn Gwy. Cynulliad Cenedlaethol Cymru sydd wedi sefydlu’r cynllun newydd cyffrous hwn a bydd yn cael ei gydlynu gan Cyngor Sir Ynys Môn.

Drwy bartneriaeth, mae Gronfa yn datblygu ac arbrofi ffyrdd o gael dull mwy cynaliadwy o fyw mewn ardal wledig sydd â chryn llawer o harddwch naturiol ac amrywiaeth. Bydd y cynllun yn ceisio gwarchod a gwella nodweddion lleol y diwylliant, y bywyd gwyllt, y dirwedd, y defnydd o’r tir, a’r gymuned. Yn ychwanegol at hynny, mae cynnal lles cymdeithasol a dichonoldeb economaidd y cymunedau’n rhai o amcanion pwysig y cynllun hwn hefyd.

Adroddiad ariannu yma.

Cronfa Dreftadaeth y Loteri Genedlaethol

Rydym wedi derbyn cronfa dreftadaeth 15 munud gan y Loteri Genedlaethol i dathlu’r r l a oedd gan bobl leol wrth greu a rheoli Goedwig Newborough. Gyda’r arian byddwn yn osod byrddau dehongli dwyieithog yn Llyn Parc Mawr yn arddangos straeon lleol am blannu’r coetir a Choedwig Newborough mewn fformat deniadol, i lywio’r gymuned leol a twristiaid o hanes y safle.

Rydym hefyd yn cynnig cyfres o gweithgareddau coetir a ddarperir yn bennaf trwy gyfrwng Cymraeg. Bydd y gweithgareddau’n cynnwys plant ysgol a theuluoedd lleol a bod yn seiliedig ar syniadau sy’n cysylltu gorffennol y safel i’r presennol. Bydd y gweithgareddau arfaethedig yn cynnwys crefftau pren sylfaenol, gwehyddu a dysgu am goed. Defnyddir y digwyddiadau i arddangos y straeon trwy ffotos, straeon clywedol a / neu ffilm, trwy’r byrddau dehongli a dafluniadau o luniau neu ffilmiau’n chwarae yn y caban – yr adeilad ffr m bren. Mi fydd y digwyddiadau hefyd yn cofio pwysigrwydd hanesyddol gwehyddu Moresg (glaswellt y m r ) i hanes yr ardal.

Rydyn ni’n gobeithio ysgogi sgwrs am berthynas y gymuned gyda’r goedwig a’r amgylchedd lleol nawr ac yn y dyfodol.

Adroddiad Heritage Grant

Cymhorthdal y Co-operative Foundation

‘Cronfa paratowch at dyfu’ – cymorthdaliadau ar gyfer syniadau mentrus sy’n helpu’r amgylchedd.

Medi 2019 hyd Fawrth 2020.

Mae’r Co-operative Foundation wedi rhoi cymhorthdal ‘Paratowch at dyfu’ i GCCLlPM i ymchwilio  i syniadau mentrus a fydd yn helpu’r amgylchedd ac yn gweithio tua dyfodol cynaliadwy ar gyfer ein gofod cymunedol ni.

Grŵp Coed Cymunedol Llyn Parc Mawr oedd un o’r cyntaf yng Nghymru i “gipio” rhan o gronfa newydd a lansiwyd gan elusen y Co-op, The Co-op Foundation, i alluogi cyrff sy’n canolbwyntio ar y gymuned a’r amgylchedd i warchod gofodau a dod yn fwy cynaliadwy.

Rhoddwyd £8,470 i Grŵp Coed Cymunedol Llyn Parc Mawr i gefnogi ei waith yng Nghoed Niwbwrch i greu coetir cynaliadwy er budd bywyd gwyllt a chyfrannu at lesiant y gymuned.

Defnyddiwyd arian y Co-op Foundation i arloesi cyfres o fentrau, gan gynnwys dysgu medrau coedwraethol; atgyfodi crefftau traddodiadol fel tapio bedw a gwneud basgedi helyg, a chreu coedwig chwilota ar gyfer ysgol y goedwig a phartïon pen-blwydd coedwig!

Cynlluniwyd yr holl fentrau i gysylltu’r gymuned â’r coetir mewn modd cynaliadwy, gan gefnogi rheoli a chadw’r ardal a’i bywyd gwyllt, gan gynnwys plannu coed a chael gwared ar rywogaethau estron.

Daeth y cynnydd arian yn sgil codi 5c am fagiau neges untro yn siopau bwyd y Co-op yng Nghymru. 

Dywedodd Mark Gahan, o Grŵp Coed Cymunedol Llyn Parc Mawr: “Diben  ein gwaith ni yw gwella’r goedwig, nid yn unig er budd coed a bywyd gwyllt, ond er budd ein cymuned leol ac ymwelwyr â’r ardal, hefyd. Mae’r hwb ariannol yma gan y Co-op Foundation wedi dod ar yr adeg berffaith i’n helpu i roi bywyd i ragor o brosiectau, gan ymgysylltu â’n cymuned a dyfnhau eu perthynas â’n coetir ni. Rydym yn gweithio at greu ymdeimlad o le a hunaniaeth trwy wirfoddoli, hyfforddi, masnachu cynaliadwy, hamdden ac addysg i gysylltu pob cenhedlaeth.”

Dywedodd Jim Cooke, Pennaeth y Co-op Foundation: “Mae mannau gwyrddion yn dod â chymunedau ynghyd ac yn gwella llesiant pobl, yn ogystal â chyfrannu at amgylchedd mwy cynaliadwy ar ein cyfer ni oll. Mae’n dda iawn gennym gefnogi prosiectau a fydd yn helpu cyrff cymunedol ledled Cymru i gymryd eu camau nesaf i ddiogelu neu wella eu hoff fannau gwyrddion.” 

Mae’r nawdd yn rhan o ymgyrch Mannau ym Mherygl ehangach y Co-op i gynorthwyo 2,000 o fannau cymunedol sydd ym mherygl.